Бабовски: Проверуваме дали ладат фрижидерите во маркетите, но казните се мали
Објавено во: Македонија 29 Ноември, 2022
Николче Бабовски, директорот на Агенцијата за храна и ветеринарство, во емисијата „Утринска“ на Телма рече дека со енергетската криза се контролира и температурниот режим под кој се чуваат производите кај маркетите.
- Казните се скоро 1.000 и нешто евра, но може да се помножат 3. нека е максимално 4.000 евра, казна која ако се плати веднаш, оди на половина. Штедат струја и несоодветно ги ладат производите, доколку има несоодветен температурен режим, ние постапуваме веднаш на самото место. Температурата во ладилниците мора да се регистрира во секое време и да нема отстапувања, изјави Бабовски.
По случајот со пронајдениот афлатоксин во млеко, тој рече дека ситуацијата е стабилна на пазарот во земјата. Бабовски вели дека имаме само две домашни млекарници кои имаат право да извезуваат и афлатоксинот се контролира при извозот.
- Ние редовно ги контролираме млечните производи, изминатите години тој е доста присутен во сточната храна. И во двата увози кај домашните производители немаме најдено афлатоксин во нивниот финален производ. не им се случило да откупат таков производ, наведе тој.