Банкари, биткоинот е добар, кога ви кажува Легард
Објавено во: Економија 30 Септември, 2017
Шефицата на ММФ Кристин Легард ги посоветувала централните банкари да не се спротивставуваат на новите методи на работа и да не ги отфрлаат виртуелните валути како што е биткоинот.
Обраќајки се на конференцијата на британската централна банка, Легард признала дека дигиталните валути како што е биткоинот моментално не претставуваат посебна закана на постоечкиот систем бидејќи се „премногу нестабилни, премногу ризички и бараат премногу енергија“, а додала и дека некои се хакирани.
Таа сепак навела дека технолошките иновации со тек на времето би можеле да влијаат на таа област и дека поради тоа „можеби не би било мудро да се отфрлат виртуелните валути“.
Виртуелните валути во иднина „би можеле да бидат силни како другите валути“, рекла Легард.