Берлин истражува „сомнителна саботажа“ на Северен тек

Добивај вести на Viber

Заедно со Данска и Шведска, Германија исто така утврдува како е оштетен гасоводот и кој намерно ја предизвикал експлозијата, додека Русија веќе знае „кој е убиецот во собата“.

Германија покрена истрага за експлозиите на гасоводот „Северен тек“, што, според портпаролот на германското обвинителство, кое ја одобри истрагата, им овозможува на нивниот тим експерти да започне со собирање докази. Имено, Данска и Шведска веќе утврдија дека минатиот месец пукнале цевките на „Северен тек 1“ и „Северен тек 2“, по што следело истекување на гас во Балтичкото Море во близина на бреговите на Данска и Шведска. Сојузниот јавен обвинител на Германија најави дека ќе се приклучат во напорите да се открие што точно се случило и кој намерно ја предизвикал експлозијата која стана центар на конфронтација меѓу Русија и Западот. Пукнатата цевка ја влоши кризата, принудувајќи ја Европа да се фокусира на обезбедување на својата енергетска инфраструктура и снабдување, пренесе политика.рс

Москва го нарече уништувањето на подморските гасоводи „терористички чин“ и го обвини Западот дека се обидува да прикрие кој стои зад нападот, барајќи меѓународна истрага. Рускиот амбасадор во ОН Василиј Небензја изјави дека пренасочувањето на „Северен поток“ е во корист на САД, а не на Русија која го изгради гасоводот и на Европа на која и треба енергија. Тој посочи дека сегашната ситуација е во корист на американските снабдувачи со енергија, додека од политички аспект диверзии ја прекинаа последната нишка што ја обезбедуваше енергетската безбедност на ЕУ. Небензја побара Русија да биде вклучена во истрагата, бидејќи ако тие бидат исклучени, тоа ќе предизвика сомнеж за објективноста на утврдување одговорност за активности кои не можеле да ги извршат „обичните терористи“ без учество на државата. Москва, исто така, тврди дека западните земји ги сметаат нападите врз гасоводите како одмазда за „руските активности во Украина“ и подвлекува дека со изјавите на американската страна се стеснува кругот на осомничените.

Секретарот на Советот за безбедност на Русија Николај Патрушев изјави дека саботажата на гасоводот потсетува на нападот врз нафтената инфраструктура во Никарагва во 1983 година, кој беше поддржан од Централната разузнавачка агенција на САД. Ројтерс потсетува дека тој претходно изјавил дека Западот има историја на напади врз гасоводи.

Европските земји ги отфрлаат руските тврдења и сметаат дека тоа е саботажа, но не обвинија никого. САД ги отфрлаат обвинувањата против нив.

Сепак, оние кои веруваат дека Америка би можела да биде одговорна за штетата на гасоводот, истакнуваат дека доколку не беше зависна од рускиот гас, Европа би купила повеќе од САД. Поддржувачите на оваа теза ја нарекуваат необична изјавата на американскиот државен секретар Ентони Блинкен дека оштетувањето на гасоводот е „одлична можност Европа да се ослободи од својата енергетска зависност од Русија“.

Поддржувачите на теоријата дека Москва ја „зготвила супата“ мислат дека тоа можеби го предупредува Западот дека е подготвен да ја оштети цивилната инфраструктура и дека овие напади може да навестуваат удари врз подводните кабли за пренос на податоци. Со други зборови, дека Русите велат дека се подготвени да ја подигнат хибридната војна во „сивата зона“ на повисоко ниво, истовремено велејќи дека тие се тие што решиле да ја прекинат соработката, а не Европа со санкции. „Њујорк тајмс“ како можна мотивација на Русија ја воведува и ценовната димензија, наведувајќи дека по веста за истекувањето, цената на гасот се зголемила за речиси 20 отсто.

Тимови од Европа ќе одредуваат кој е меѓу „убијците присутни во собата“, а веројатно и Русија ќе испрати свој тим да ги докаже веќе изнесените аргументи зошто не е во нивен интерес да го минираат сопствениот гасовод во кој има милијарди инвестирано. Состојбата на работите укажува дека сторителот нема да биде еден.

извор: политика.рс