Берлин предвидува смена на политиката на САД кон Блискиот Исток
Објавено во: Свет 23 Ноември, 2016
Германскиот министер за надворешни работи, Франк-Валтер Штајнмаер изјави дека најверојатно политиката на САД на Блискиот Исток ќе се промени со доаѓањето на власт на Доналд Трамп, но засега не е познато во кој правец ќе се случи тоа.
Таквото мислење го изрази дипломатот за време на форум во Берлин, посветен на регулирањето на сирискиот конфликт, организиран од германската Социјалдемократска партија (СДП).
„Изборот на Доналд Трамп во секој случај ќе доведе до измена на надворешната политика на САД на Блискиот Исток. Во што насока, можеме само да шпекулираме, но промена ќе има во секој случај. Раздвижување може да има и во односите меѓу САД и Русија. Прашањето е дали тоа ќе бидат нови односи, кои водат до конструктивно решение на конфликтот на Блискиот Исток "- додаде дипломатот.
Во своето обраќање Штајнмаер исто така, посочи дека во моментот сите опозициски групи во Сирија веруваат дека иднината на земјата е невозможна со Башар Асад. Во однос на испораката на хуманитарна помош за Алепо, министерот изјави дека во моментот се водат преговори тоа да се одвива низ турска територија, но не е јасно дали тие ќе завршат со успех.