Беше најсиромашен претседател на светот, а сега се откажа и од пензија
Објавено во: Свет 16 Август, 2018
Екс претседателот на Уругвај, Хозе Мухика, кој беше познат „како најсиромашен претседател на светот“, одби да ја прима пензијата што му следува за годините додека беше член на уругвајскиот Сенат.
Како што јави Би-Би-Си, Мухика во вторникот поднесе оставка на функцијата сенатор, која ја презеде по истекот на неговиот претседателски мандат во 2015 година, по што синоќа најави дека ќе се откаже од пензијата што законски му следува.
Тој вели дека причините за оставката се лични.
„Би го нарекол тоа умор по долгото патување. Секако дека додека мојот мозок функционира, не можам да се откажам од солидарноста и борбата за идеи“- кажа Мухика во оставката доставена до претседателската на Сенатот, Луција Тополански, со која е во брак веќе 13 години.
Додека беше претседател од 2010 до 2015 година, 83-годишниот Мухиха поголемиот дел од својата плата ја донираше во добротворни цели.
Единствено нешто што поседуваше кога ја презема должноста шеф на државата беше автомобил марка „Фолксваген буба“ од 1987 година, за кој во 2014 година му беа понудени милион долари, но Мухика го одби предлогот со образложение дека ако го продаде возилото ќе нема со што да го вози неговото куче кое има три нозе.
Мухика изјави дека по оставката планира повеќе време да минува на неговата фарма.
Можеби ќе ве интересира
МНОГУ СЕ ОБИДУВАА ДА МЕ УБИЈАТ, ГЛАВАТА МИ ВРЕДЕШЕ 4 МИЛИОНИ ДОЛАРИ Исповед на синот на Пабло Ескобар - ова беа последните зборови на неговиот татко
БЛАГОДАРЕНИЕ НА НЕГО, НОРВЕЖАНИТЕ ЗНААТ КАДЕ ИМ СЕ ПАРИТЕ: Кој е Николај Танген?
САКА ПОБЕДА ВО УКРАИНА СО МИНИМАЛНИ ЖРТВИ: Што друго планира новиот руски министер?
Бактериите отпорни на лекови можат да направат „Ковид-19 да изгледа ситно“
ВАКА ММФ ГО ГЛЕДА СВЕТОТ ДО 2026 ГОДИНА: Каде оди глобалната инфлација?
НОВИОТ ШЕФ НА КРИПТО ГИГАНТОТ ТЕТЕР СЕ ПОДГОТВУВА ЗА ГЛОБАЛНА АПОКАЛИПСА: Еве што се случува
(ВИДЕО) ИМА УАПСЕНИ: Израелски демонстранти ja расфрлаа помошта за Палестинците
ДРЖАВА ВО САД СИ ГО СМЕНИ ЗНАМЕТО: Која е причината?
