БГНЕС: ИМА ЗДЕЛКА - на крајот на мандатот Каракачанов потпиша договор за два нови патролни брода за близу милијарда лева
Објавено во: Балкан 12 Ноември, 2020
На крајот на мандатот на владата, министерот за одбрана Красимир Каракачанов потпиша втор голем воен договор - за аквизиција на два нови патролни брода, од речиси една милијарда лева, пишува денеска бугарски Бгнес.
Медиумот наведува дека проектот се подготвувал речиси пет години. Тој поминал низ многу различни фази, како и низ еден неуспех пред три години.
Како што пишува Бгнес, бугарското министерство за одбрана избрало нарачката на бродовите да биде направена од германската компанија LURSSEN WERFT GmbH & Co.KG, а нејзин подизведувач ќе биде компанијата за бродоизградба „Делфин“ од Варна.
Двата брода ќе се градат во Бугарија. „Делфин“ има клучна улога во проектот, а уште од самиот почеток важеше за фаворит.
Во 2017 година компанијата изненадувачки се откажа од нарачката. Компанијата не даде официјален коментар за нејзината одлука, но МО објасни дека тоа се должи на намалената цена на проектот.
Првично, таа изнесуваше 820 милиони лева, но без ДДВ. Данокот сега е вклучен во вкупниот износ.
Во новото издание на проектот, „Делфин“ одби да достави понуда. Така, само една компанија остана во конкуренција, односно германската компанија и италијанското бродоградилиште Fincantieri.
До последен момент италијанското бфродоградилиште се обидуваше да ја запре зделката. Според компанијата, проектот е компромитиран и во него има многу прекршувања. Таа дури инсистираше на собраниска проверка, но Владата не одговори на нејзините повици.
Ова е втор голем воен договор на кабинетот, по купувањето на ловците Ф-16 Блок 70, за над две милијарди лева од САД, и „Локид Мартин“. Третиот голем проект - да се купат оклопни возила за речиси 1,5 милијарди лева, се движи побавно и многу веројатно е ека нема да биде потпишан во рамките на овој владин мандат, пишува Бгнес.
фото Бгнес