Битиќи: Платежните картички ќе бидат со посебна сметка
Објавено во: Економија 18 Мај, 2020
Фатмир Битиќи, економскиот советник на Владата, на денешната прес-конференција рече дека парите од третиот сет економски мерки за поголема потрошувачка и за развој на домашните економски дејности ќе се исплаќаат на посебни сметки.
- Платежните картици ќе бидат со посебна сметка, односно исплаќањето нема да се врши на редовните сметки на граѓаните. Дополнително ќе има список во кои банки ќе се подигнуваат тие картички. За две до три недели ќе бидат познати сите детали, рече Битиќи.
Платежна картичка од по 150 евра за македонски производи и услуги ќе добијат сите невработени лица, баратели на работа кои немаат над 15.000 денари месечни приходи според Управата за јавни приходи, како и примателите на гарантирана минимална помош.
Домашна платежна картичка од 50 евра за летување ќе добијат сите работници со ниски примања, а таква иста за домашна потрошувачка ќе добијат и средношколците и студентите.