Благодатниот оган од Ерусалим и годинава ќе ги осветли храмовите на МПЦ
Објавено во: Македонија 23 Април, 2022
Во вечерните часови денеска, Велика сабота, во земјава ќе пристигне благодатниот оган од Ерусалим. Ќе биде преземен од свештени лица на аеродромот „Скопје” и пренесен низ епархиите на Македонската православна црква.
- Благодатниот оган секоја година, по благословот Божји, на чудотворен начин слегува во Гробот Христов. Истиот потоа се пренесува преку делегации и званични лица по сиот православен свет, соопшти Македонска православна црква – Охридска архиепископија.
МИА