Бочварски: До крајот на март ќе се знае кој ќе вложи 350 милиони евра за гасификација
Објавено во: Економија 02 Јануари, 2021
Благој Бочварски, министерот за транспорт и врски, објави дека до крајот на првото тромесечие од годинава ќе се знае кој ќе биде приватниот оператор од јавно-приватното партнерство кој за 350 милиони евра ќе ја гасифицира Македонија.
Владата ќе одбира помеѓу турските компании „Акса Догалгас Дагити А.С.“ и „Палмет Енерџи Аноним Ширкети“ за воспоставување на јавно приватно партнерство за финансирање, проектирање, изградба, управување, одржување и развивање на дистрибутивниот систем на природен гас низ Македонија, беше обелоденето во ноември лани по завршувањето на првата фаза на конкурентен дијалог за доделување на договор
- Знам дека повеќе општини работат, Крива Паланка има готова техничка документација, Битила и Прилеп работат на проектите, со сите кога ќе имаат готова документација ќе разговараме и тогаш ќе знаеме кои ќе бидат првите градови кои ќе бидат гасифицирани, изјави Бочварски во вестите на Сител.
Бочварски потврди дека приоритет ќе има онаа компанија која ќе ја даде најевтината понуда за приклучок до домаќинствата и останатите потрошувачи, а се очекува да инвестира околу 350 милиони евра