Богаташите бегаат од одговорност, сиромашните земји дом на најмногу бегалци

Добивај вести на Viber

Само 10 земји, кои имаат едвај 2,5% од светскиот БДП, презеле одговорност за прифаќање половина од бегалците во светот, покажува извештај на меѓународната невладина организација Amnesty International.

Во извештајот, кој ги анализира маките, пред кои се исправени близу 21 милиони бегалци во светот, организацијата изразува незадоволство кон фактот дека само мал број земји се принудени да бараат решение на проблемот.

Тоа се Јордан, Турција, Пакистан, Либан, Иран, Етиопија, Кенија, Уганда, Демократска Република Конго и Чад.

„Премногу мал број земји биле оставени да се справат со премногу голем проблем, само затоа што се соседи на кризните зони“, истакнал генералниот секретар на Amnesty Сали Шети за време на презентацијата на извештајот.

„Сличната ситуација е крајно неодржлива, а милионите луѓе кои бегаат од војна и од земји како Сирија, Јужен Судан, Авганистан и Ирак се изложени на неподнослива беда и страдања. 

Време е лидерите да влезат во сериозна, конструктивна дебата за тоа како нашето општество може ќе им помогне на луѓето, кои се принудени да ги напуштат домовите за време на војната и прогоните, додаде таа и ги повика богатите земји да престанат да бегаат од одговорност и исто така да земат активно учество во решавањето на глобалната миграциона криза во моментов.