Бориславова вели дека Бугарија не бара малцинство во Македонија, туку нешто друго
Објавено во: Македонија 15 Мај, 2022
Шефицата на Кабинетот на претседателот на Владата на Бугарија, Лена Бориславова, како што јави дописникот на МИА од Софија, во изјава за Бугарската национална телевизија (БНТ) рекла дека она што бугарската Влада и лично премиерот Кирил Петков би сакале да видат е „некаков доказ дека Република Северна Македонија има сериозен однос кон говорот на омраза и дискриминацијата на бугарското етничко население”.
Според Бориславова, „Бугарија не бара малцинство” во земјава, туку вклучување на Бугарите како државотворен народ во Уставот на Република Северна Македонија, со цел „да ги имаат сите права што ги уживаат и другите народи”.
Таа негира дека Софија е изложена на „силен надворешен притисок” во врска со деблокадата на стартот на преговорите на Северна Македонија со ЕУ, но нагласи дека во Бугарија во моментов има обид за внатрешно-политичка дестабилизација во однос на темата поврзана со земјава.
фото МИА