Британија засега не излегува од ЕУ?
Објавено во: Свет 14 Март, 2019
Британија не ја напушта ЕУ на 29 март, а Брегзитот е одложен.
Британските пратеници изгласаа да се одложи крајниот рок за Брегзит, 29 март, и да бараат кратко одложување од Брисел, под услов пратениците да го поддржат договорот на премиерката Тереза Меј, кој двапати го отфрлија, до идната среда.
Пратениците во долниот дом го изгласаа предлогот на Владата со 412 гласа наспроти 202. Со предлогот се бара од ториевската влада да побара продолжување на членот 50 од ЕУ и да го одложи Брегзит до 30 јуни за да се постигне договор.
Ова значи дека сега Тереза Меј ќе побара од Унијата да се одложи активирањето на членот 50 до 30 јуни 2019. ако тие се согласат, а веројатно ќе се согласат, пишува Гардијан.