Британски весник објаснува зошто БиХ не се распадна
Објавено во: Балкан 03 Ноември, 2017
Британскиот весник Економист направи анализа во која објаснува зошто Босна и Херцеговина не се распаднала по војната и покрај големите национални разлики и нестабилните власти.
Како што пренесува босански Кликс, гласините за „смртта на БиХ се во голема мера претерани“.
„Силата на БиХ лежи во ентитетите и кантоните, а не во националната влада, а слично се случува и во Швајцарија. Фокусирањето на резултатите, а не на називите на нештата, ја открива силата на земјата. БиХ може да има пет претседатели и безброј премиери, но изборите во оваа земја покажуваат константна попара од партии и коалиции кои ја преземаат власта“- стои во анализата на британскиот магазин.
Се наведува дека иако владеењето во БиХ знае да биде нефункционално, стравовите од враќањето на насилството доведуваат до помирување.
„Претседателот на Република Српска со години се заканува дека ќе одржи незаконски референдум за независност. Меѓутоа, веројатно загрижен поради потенцијалните конфликти и недостигот од поддршка од странство, тој се повлече“- пишува во анализата.
Се додава дека „Босанците секогаш успевале да ги стават своите разлики на страна за да формираат влади на сите нивоа, додека во Северна Ирска од јануари нема никаков договор“.
„Босанците и Херцеговците имаат тенденција да бидат далеку пофлексибилни од она што како кредибилитет им го даваат аутсајдерите. На пример, во владата на Република Српска има неколку Бошњаци и Хрвати кои работат заедно со српската националистичка партија на претседателот на РС која е посветена на референдумот“- се објаснува во текстот.
Системот во БиХ става акцент на консензусот.