БРИТАНСКИОТ ГЕНЕРАЛ ДЕНАТ НАЈАВИ: „Путин заврши работа, Русите ќе парадираат на 9. мај со украинските затвореници“

Добивај вести на Viber

Генералот лорд Ричард Денат вели дека последните денови од борбата за Мариупол се во тек.

Генералот Ричард Денат, пензиониран началник на Генералштабот на британската армија и член на Домот на лордовите, верува дека Русија ќе се обиде да постигне некаков успех во Мариупол до Денот на победата во понеделник и стравува дека украинските затвореници би можеле да бидат дел од воената парада во Москва.

„Мислам дека сега ги гледаме последните денови од оваа трагична и страшна епизода што се случува во челичарницата Азовстал. Ако се сеќавате пред една недела или десет дена, Путин најави дека ќе ја запечати за да не може ни мува влезе или излезе“, рече тој.

Денат смета дека тоа било показател дека на Русите им било многу тешко да го освојат тој гарнизон и дека дошле до заклучок дека мора да имаат некаква победа што ќе ја слават во понеделник.

„Се чини дека тие продолжија со посилен, директен напад врз фабриката за челик за да се обидат да го задушат остатокот од отпорот за да можат да тврдат дека го зазеле Мариупол во понеделник. Така тие го завршија својот копнен коридор од Крим, преку Донбас, до Русија“, смета тој.

„Ова е трагедија што се одвива пред нашите очи. Некои од цивилите може да го преживеат дводневниот или тридневниот прекин на огнот. Но, за војниците таму, се плашам дека изгледите се многу мрачни. Мислам дека има шанса да видиме како украински затвореници парадираат во Москва в понеделник на нивната Парада на победата. Истото им се случи и на Германците на крајот на Втората светска војна и имам страшно чувство дека тоа ќе се повтори в понеделник“, изјави генералот Денат за Sky News.