Британскиот министер Борис Џонсон остана без американско државјанство
Објавено во: Свет 09 Февруари, 2017
САД му го одзеле државјанството на министерот за надворешни работи на Велика Британија, Борис Џонсон роден во Њујорк.
Тој е меѓу 5 411 луѓе кои го изгубиле американското државјанство во 2016 година, пишува „Политико“, цитирајќи податоци на даночните служби на САД.
Одлуката најверојатно е мотивирана со неплатени даноци.
Во 2014 година Џонсон оспорува даночна сметка за продажба на стан, кој го поседувал во Лондон.
Граѓаните на САД кои живеат во странство се обврзани да плаќаат даноци и во Америка.
Џонсон сепак престана да плаќа даноци таму во 2015 година.
Во 2016 година е забележан раст од 26% на лицата кои се откажале од американско државјанство, или им било одземено.