Бугарски политиколог тврди дека ветото за Македонија било глупост
Објавено во: Македонија 26 Декември, 2022
Зинаида Златанова, која е поранешен вицепремиер за европски фондови (2013-2014), коментира дека за една држава нема ништо полошо од недоследност во нејзината надворешна политика.
„Во времето кога Бугарија наметна вето на Македонија, ништо не се случи во билатералните односи“, рече Златанова.
Вели дека ветото е губење време.
Политикологот Христо Панчугов на ТВ „Бугарија во етер“ изјави дека бугарското вето против Македонија било обична глупост. Панчугов коментира дека бугарското вето било во функција на внатрешно – политичките односи во Бугарија и тогашните избори.
„Ако требаше да се стави вето, тоа требаше да се направи порано“, коментира тој за програмата „Брисел 1“, јавува дописникот на МИА од Софија.
Ветото, според него, било во функција на една конкретна партија да влезе во следниот бугарски парламент и ништо повеќе.
„Европската политика за заштита на човековите права е многу посилна од бугарското вето“, вели Панчугов.
Бугарија ставаше вето за стар на преговори на Македонија со Европската Унија (ЕУ). Сега Македонија треба да направи уставни измени, односно да ги внесе Бугарите во Уставот за да го продолжи патот кон ЕУ. Пред Бугарија, Франција стави вето и не дозволи Македонија и Албанија да ги почнат преговорите. Нивниот изговор беше дека ЕУ треба да направи реформи.