Бугарскиот амбасадор во САД: Има обид да се протурка резолуција во корист на Македонија во Конгресот
Објавено во: Македонија 28 Мај, 2022
„Има обид да се протурка резолуција со доста неточен текст во американскиот Конгрес. По предавањето на акредитивните писма, на Бајден ќе му го објаснам тоа, дека е продлабочување на спорот со PCM кој така нема да биде решен“.
Ова го изјави за „Офанзивна“ бугарскиот амбасадор во Вашингтон, Георги Панајотов. Според него, државата Мичиген веќе усвоила резолуција според која е одреден септември 2021 година за месец во чест на придонесот на Македонија во САД.
„Бугарија и САД се пријатели и сојузници во НАТО и исто така стратешки партнери. Разговаравме како да ги зголемиме американските инвестиции во нашата земја. Проблемот со Северна Македонија мора да се реши со волја и визија на политичките лидери на двете земји без компромиси со бугарските национални интереси“, категоричен е тој.
Според него, проблемот со Македонија произлезе од нивните погрешни постапки и националистички ставови.
„Соединетите Американски Држави и Европската Унија имаат интерес за побрзо решавање на проблемот. Го повикав Вашингтон да разбере и бев разбран“, рече Панајотов.