Царовска: Ниту ќе се градат станови за мигранти, ниту има предвидено буџет за тоа

Добивај вести на Viber

Ниту ќе се градат станови за бегалци и мигранти, ниту има предвидено буџет за тоа. Македонија не е атрактивна земја за бегалците, изјави  министерката за труд и социјална политика, Мила Царовска во неделното интервју на Радио Слободна Европа.

Според неа, опозицијата само шири страв кај граѓаните. Царовска објаснува дека стратегијата за интеграција на бегалци и странци 2017-2027 година е продолжение на стратегијата 2009-2015 година, со истиот наслов, која што ја донела ВМРО-ДПМНЕ. 

„Затоа нема никакви потреба од страв. Македонија си е декларирана и продолжува да биде транзит земја, и тоа се гледа по статистики и бројки. Во 2015-2016 година, пред да се затвори рутата, тоа е некаде 9 март 2016 година, во Македонија имало 1.600 мигранти, во моментов во Македонија нема повеќе од 60 во двата транзитни центри и во центарот за азил. Овие бројки многу кажуваат дека Македонија ниту е атрактивна земја, ниту некој има потреба да остане во државата. Дополнително, стратегијата за бегалци, не е стратегија за мигранти“ - вели министерката. 

Таа објаснува дека нема потреба од никаков страв и не се градат никакви станови, ниту се подготвуваат кампови.