Цените на нафтата нестабилни - за колку се продава?
Објавено во: Економија 17 Јануари, 2017
Иако Саудиска Арабија соопшти дека ќе ги почитува строго обврските од договорот на ОПЕК, пазарите остануваат скептични.
Фјучерси на американската сурова нафта се тргуваа со 16 центи повеќе или 0,31%, до 52,53 долари за барел. Фјучерси на нафтата сорта Брент имаа пад од 8 центи, или 0,14%, до 55,78 долари за барел до 9:56 часот.
Според договорот на ОПЕК (Организацијата на земјите извознички на нафта), Русија и други производители надвор од групата договорија намалување на приносот до речиси 1,8 милиони барели на ден, првично за шест месеци, за да ја намалат понудата до нивото на придонес.
Сепак нафтата поевтини за речиси 5% од нивниот раст во јануари, а финансиските нафтени трејдери остануваат скептични за желбата на ОПЕК и Русија целосно да ги применат намалувањата.
2017 ќе биде година на нафтена несигурност. Земјите производители ќе треба да научат да живеат со цени до максимум 50 долари за барел и ниту цент повеќе. Тоа е далеку од балансирање на буџетите, што за повеќето од нив значи 80 до 90 долари за барел. Некои од тие земји се уште имаат големи резерви, но за останатите - од Венецуела, преку оние во субсахарска Африка и Централна Азија - тоа ќе биде период на многу ниски приходи.