Центарот за управување со кризи најавува големо невреме, граѓаните да бидат внимателни
Објавено во: Македонија 28 Мај, 2022
Центарот за управување со кризи (ЦУК) ги повика граѓаните во земјава на внимателност од силно локално невреме и можни опасни порои од обилен дожд викендов по најавата за нестабили хидрометеоролошки појави.
Управата за хидро-метеоролошки работи најави нестабилно време со пороен дожд, грмежи и засилен ветер, кое се очекува да се стабилизира од понеделник.
- Локално процесите ќе бидат во форма на невреме со интензивен пороен дожд (за кратко време со поголеми количества воден талог), електрични празнења, силен ветер од над 70 километри на час и појава на град. Утре преку денот температура ќе биде пониска за 3 до 5 степени, соопшти УХМР.