Централен регистар ќе работи турбо за прием на годишните сметки
Објавено во: Економија 19 Февруари, 2018
Правните субјекти треба да побрзаат за да ја завршат нивната обврска за поднесување на годишни сметки и финални финансиски извештаи за изминатата година. Затоа Централниот регистар и в сабота на 24 февруари од 8:00 до 16:00 часот ќе врши прием на документите во сите градови освен во Кратово, Крушево и Демир Хисар, информираат од институцијата.
Во понеделник, вторник и среда Централниот регистар ќе работи од 7:00 до 21:00 часот, освен во регионалните канцеларии во Македонски Брод, Виница, Берово и Делчево, каде работното време ќе биде од 8:00 до 16:00 часот. Во Кратово, Крушево и Демир Хисар, каде Централен регистар нема канцеларии, приемот на годишните пресметки ќе се врши во понеделник, вторник и среда од 8:00 до 16:00 и тоа во Кратово и во Демир Хисар во просториите на општината, а во Крушево во УНИ банка.
– Субјектите со вид на големина (микро и мали) кои нема да достават годишна сметка во хартиена форма во законскиот рок, ќе имаат можност годишната сметка, согласно Законот за трговски друштва да ја поднесат во електронска форма до 15 март годинава, велат од Централниот регистар.