Човек осуден на 5.160 години затвор
Објавено во: Свет 22 Ноември, 2018
Поранешен војник e осуден на 5.160 години затвор.
Во Гватемала судот го осуди човекот на 5.160 години затвор поради масакр на 171 човек.Обвинителите велат дека Сантос Лопез учествувал во масовните убиства во 1982 година речиси на сите мажи, жени и деца во земјоделското село, Дос Ерес.
Лопез е обвинет дека бил дел од елитната Специјална единица што била пратена во Дос Ерес да ги пронајдат припадниците на герилската група што го пресекувала воениот конвој.
Кога единицата не ги пронашла герилците или оружјето, ги извлекле селаните од нивните домови и, според обвинителите, силувале многу девојки. За да го прикријат силувањето, ги убиле скоро сите што живееле таму.
Масакрот е извршен додека бил на власт режимот на поранешниот воен диктатор, Ефраин Риос Монт. Тој умре во април, под обвинување за геноцид во акцијата за време на една од најкрвавите фази од судирот што траеше од 1960 до 1996 година.
Ова се смета за едно од најголемите злосторства во 36-годишната граѓанска војна во земјата.