ЦРН ДЕН ЗА БОСНА И ХЕРЦЕГОВИНА: За едно деноноќие дури 73 жртви од коронавирусот
Објавено во: Балкан 09 Ноември, 2020
Во последните 24 часа биле регистрирани 997 нови случаи на коронавирус во Босна и Херцеговина, а биле тестирани 2.400 лица. Тоа е пад од неделата кога имаше 1.211 нови инфекции и кога беа извршени 2.829 тестови. За жал, во таа земја се регистрирани рекордни 73 смртни случаи во последните 24 часа, јавуваат босанските медиуми.
Досега се тестирани вкупно 226.977 примероци, а SARS-CoV-2 е потврден кај 39.945 лица.
Од денес, 21.856 пациенти се излекувани во Федерацијата БиХ, а во изминатите 24 часа е забележано оздравување кај 213 пациенти. Во моментов има 17.107 активни случаи на коронавирус.
Заклучно со денес, вкупниот број на смртни случаи во Федерацијата БиХ е 983, од кои 652 мажи и 331 жена.