„Црвен“ аларм за нов бран на екстремно високи температури
Објавено во: Македонија 22 Јули, 2017
Од УХМР известуваат дека во Македонија во наредните денови ќе има нов бран на екстремно високи температури.
До вторник нашето подрачје ќе биде под влијание на многу топла воздушна маса. Дневната температура ќе биде во благ пораст и во голем дел од земјава ќе надминува 35° С, а на југоистокот ќе достигне до 40° С.
УВ индексот ќе има многу висока вредност 9. Утре и во понеделник не е исклучена ретка појава на краткотраен дожд со грмежи, пред се во планинските подрачја. Од вторник се очекува промена на временската состојба, кога во попладневните часови ќе биде нестабилно со локален пороен дожд, грмежи и засилен ветер, особено во северните делови. Дневната температура, почнувајќи од запад ќе биде во опѓање, кое ќе продолжи и во наредните два дена.