Далеку под европскиот просек - младите Хрвати живеат со родителите
Објавено во: Балкан 25 Октомври, 2016
Во Хрватска 70% од младите живеат во заедница со родителите и овој факт ја прави земјата рекордер во Европската унија.
Ова го покажуваат податоците на Евростат.
Речиси три четвртини од младите Хрвати не го напуштаат домот на родителите. Тука се мисли на бројот на младите од 18 до 34 години, кои уште живеат со родителите,
По Хрватска следат Словачка, Србија, Италија и Малта.
„За да си заминете од домот на родителите, треба да имате извесни приходи. Друг фактор се цените на недвижнините, висината на наемот, луѓето тоа едноставно не можат да си го дозволат, а следната работа секако се одредени навики и комодитетот“-вели социологот, Гојко Бежован за хрватските медиуми.
Поради менталитетот, но и поради подобриот животен стандард најбрзо се остамостојуваат Данците, а потоа Финците, Швеѓаните и Норвежаните.
Просекот на младите кои живеат со родителите на ниво на ЕУ е 48%.
Во заедница живеат и голем дел од младите Бугари и Романци. И за нив живеењето самостојно е луксуз.