Добивај вести на Viber
Ја почнува ли Никола Димитров сопствената политичка промоција.
Поранешниот шеф на дипломатијата, коосновач и претседател на новиот македонски тинк-тенк „Солуција“ најавува промоција со голем настан, на кој ќе учествуваат три големи политички имиња, и тоа поранешниот грчки премиер Јоргос Папандреу, потоа екс американскиот амбасадор во земјава и висок функционер во Стејт департментот, Филип Рикер и „алфа и омега“ на македонскиот пат за реформи, Рајнхард Прибе.
„Три значајни имиња за македонскoто општество - чест е да ви ги претставиме овие високи гости уште на првиот наш настан.
Амбасадорот Филип Рикер, поранешниот премиер на Грција, Јоргос Папандреу и експертот за реформи и владеење на правото, Рајнхард Прибе ќе дебатираат на панел - дискусијата со наслов “Македонскиот ден на мрмотот - излез од лавиринтот на корупцијата и клиентелизам”.
Модератор е претседателот и коосновач на Солуција, Никола Димитров“, пишува на постот на Солуција објавен на социјалната мрежа Фејсбук.
Никола Димитров беше близок соработник на поранешниот премиер Зоран Заев, но не влезе во составот на Владата на сегашниот премиер Димитар Ковачевски.
Во политичките кулоари се шпекулира дека Димитров се подготвува за следните парламентарни избори, коига и тие да се одржат.