Дали поради изјавата на Хан Груби ја откажа седницата за Законот за јазици?
Објавено во: Македонија 22 Ноември, 2017
Претседателот на комисијата за европски прашања, Артан Груби кој ја одложи седницата на која требаше да има второ читање на Законот за употреба на јазиците вели дека тоа го направил поради други приоритети, а не поради изјавата на еврокомесарот Јоханес Хан.
Груби тврди дека оваа одлука нема врска со предупредувањето на Хан кој јасно и порача на Владата дека Законот за јазиците не е европски приоритет и дека ЕУ не го бара.
„Проценив дека неделава е многу значајна за други реформски прашања и дадов предност на тоа за да не овозможам дефокусирање на јавноста од тоа што во моментов е најзначајно и итно“ – вели Груби.
Хан кажа дека Законот за јазиците не е во Договорот од Пржино, ниту е нешто кое Брисел го бара.