Дали пожарот кај Требовље е подметнат?
Објавено во: Македонија 01 Август, 2017
Има индиции дека некој околу хидроцентралата Козјак нешто потпалувал. Тажно и жално е некој да потпалува, изјави директорот на Дирекцијата за заштита и спасување, Шабан Салиу за неколкудневниот пожар кај село Требовље кај Македонски Брод.
Тој обвини дека поради несоработка со некои лица од локалната самоуправа, пожарот брзо се проширил.
„Десет луѓе го напуштија местото, мислеа дека треба да седат до 12 часот и се повлекоа. Ги молев да се вратат, но за жал не прифатија, бидејќи биле од локалната самоуправа и го напуштија местото. Тогаш пожарот се префрли од левата страна и постоеше опасност да изгори и селото. Наредив да се направи бедем на тој дел од селото“ – изјави Салиу на прес-конференција.
За пожарите во овој регион синоќа расправаше и Владата.Поради пожарите беше свикан и управувачкиот комитет за координација и управување во системот за управување со кризи во кој членуваат владините министри за одбрана, внатрешни работи, транспорт и врски и здравство, како и директорот на Дирекцијата за заштита и спасување.