Дали Саудиска Арабија му објави војна на Либан?
Објавено во: Свет 10 Ноември, 2017
Саудиска Арабија објави војна на Либан и Хезболах, тврди лидерот на Хезболах, Сајед Хасан Насралах.
Вели дека либанскиот премиер, Харири, кој што си даде оставка пред една недела е приведен во Саудиска Арабија.
Во телевизиското обраќање Насралах изјави дека оставката на Харири била директно мешање на Саудиска Арабија во внатрешната политика на Либан и побара Харари да се врати во земјата. Тој кажа дека либанската Влада е легитимна и дека не се повлекла.
Насралах денеска од Бејрут кажа дека е сигурен дека Харири бил принуден да даде оставка. Смета дека тоа е дел од политиката на Саудиска Арабија за предизвикување секташки тензии во Либан.
Лидерот на Хезболах кажа дека тие не стојат позади истреланите ракети од Јемен кон Ријад минатата недела. Додава дека Јемен има капацитет да произведе такви ракети.
Оцени дека американскиот претседател, Доналд Трамп сигурно знаел за плановите Харири да се принуди на оставка.
Портпаролката на Стејт департментот Хедер Нојерт изјави дека Крис Хензел, американскиот вршител на должност во Ријад, се сретнал со Харири во средата, но одби да даде детали.