Дали Саудискиот принц го купи ремек делото на Да Винчи?

Добивај вести на Viber

Според информации на ЦИА, новиот саудиски владетел, принцот Мохамед бин Салах кој треба да биде наскоро крунисан е всушност тајниот купувач на „Исус Спасителот“ слика од ренесансниот период на виртуозот Леонардо да Вични. Можеби, веста дека ексцентричен арапски принц со огромно нафтено богатство троши неверојатна сума на пари да купи уметничка слика и не нешто специјално, но во овој случај има неколку необични околности.

Најпрво се верува дека принцот бин Салах учествувал на аукцијата на сликата „Исус Спасителот“ за што платил неверојатни 450 милиони долари со што беше постигнат нов светски рекорд во плаќање за уметничко дело кое тешко дека ќе се повтори. Сликата е купена од име на негов братучед, член на кралското семејство но само во функција на прокси сопственик додека пак, бин Салах е вистинскиот сопственик на најскапата слика во историјата.

Проблемот за принцот е тоа што потроши огромно богатство за една слика во период кога лансираше огромна акција за апсења на членови на кралското семејство и државната управа под сомнежи за корупција. Принцот најави дека ќе го „исчисти“ системот од сите кои се огрешиле пред законот и злоупотребиле големи средства, што е малку контрадикторно со овие негови луксузни навики.