Дигитализацијата да ја донесеме во секој дом, следува постпандемиско заздравување: Методија Мирчев за Фактор

Добивај вести на Viber

Многу надежи за подобра година, многу посакувања, како никогаш досега очекувања да е подобра од претходната. Во 2021 година влегуваме сите со заедничка желба - овој здравствен предизвик да заврши. Пандемијата ги помести нашите очекувања, нашите приоритети се други, сите други желби имаат помала вредност. 2020 има лош знак, иако можеби за многумина беше и успешна. Успех е и да се зачува здравјето, да се помогне некому, добра работа е да се предизвика нечија насмевка. Такви луѓе има многу. Во деновите пред и по стартот на новата година Фактор објавува новогодишни изјави од медицински експерти, стопанственици, банкари, политичари – сите зборуваат за нивните очекувања во следната година.

Методија Мирчев е извршен директор на А1 Македонија. Компанијата и годинава остана доверлив партнер на корисниците, а Мирчев вели дека и во годината што претстои ќе се стремат кон ефикасен дијалог со сите корисници. Очекува постпандемиско опоравување во кое, како што вели, сите субјекти ќе дадат максимум напори и заложба да се постигне стабилизација на сите полиња.

„Очекувам година која во секоја смисла ќе биде поинаква од оваа што изминува. Она што го научивме досега ќе нѐ зајакне и ќе нѐ направи уште посилни во справувањето со вонредни состојби. Научивме дека можеме да се соочиме со предизвици и да се справуваме со истите, уште повеќе да внимаваме и да се грижиме за здравјето, научивме дека можеме многу брзо да се адаптираме на новонастанати состојби, да купуваме, да се забавуваме он лајн и да работиме од далечина.

Технологијата забрзано и длабоко навлезе во секојдневието на секој поединец и деловен субјект. Придобивките од дигитализацијата што ги согледавме сите, не само што ќе продолжат да живеат и понатаму, туку истите ќе доживуваат напредок и усовршување. Тоа е и нашата мисија во А1 Македонија, да ја донесеме дигитализацијата во секој дом, за секое семејство, за секој деловен субјект, да го направиме секојдневието еднставно и да понудиме алатки за нашите деловни корисници кои ќе го направат водењето бизниси уште поефикасно.

И во годината што претстои ќе се стремиме кон ефикасен дијалог со нашите корисници, се со цел овозможување врвно корисничко искуство.

Следува постпандемиско опоравување во кое искрено се надевам дека сите субјекти ќе дадат максимум напори и заложба да постигнеме стабилизација на сите полиња, вели Мирчев за Фактор.