Димитриевски: Стратегијата за бегалците е од програмата на ДПМНЕ

Добивај вести на Viber

Максим Димитриевски, пратеникот од редовите на СДСМ, им порача на колегите од ВМРО-ДПМНЕ да престанат да ја лажат и манипулираат јавноста за стратегијата за бегалците која е преземена токму од нивната партија.

Тој потсетува дека токму во Отчетот за сработеното од 2015 година, ВМРО-ДПМНЕ предвиделе изградба на прифатни центри за лица со признаено право на азил, здравствена заштита како и граѓаните на РМ, сместување и исхрана. За овие лица ВМРО-ДПМНЕ предвиделе и активни мерки за вработување, стручно усовршување, ктронски здравствени картички, како и рана интеграција на децета од предучилишна возраст. Во планот ВМРО-ДПМНЕ навеле и изградба на 20 станбени единици за лица со признаено право на азил во село Визбегово.

„Во текот на маратонската расправа за смена на Зврлевски колегите од ВМРО-ДПМНЕ манипулираат и спинуваат со “Стратегијата за бегалци”.

Еве за потсетување кој ја донесе таа Стратегија и кој ја изготви новата во 2016г (Отчетот на ВМРО-ДПМНЕ од 2015г.).

До кога ќе манипулирате со јавноста?

Мако и да е, ние ќе се соочиме подготвени со сите идни предизвици и од овој вид.

Вашата непродуктивна дебата и го троши драгоценото време на државата да се стави во функција на народот и да расчисти со криминалот, тоа одолговлекување нема да амнестира никој!“ напиша Димитриевски на неговиот Фејсбук профил.