ДИМИТРОВ ЌЕ СЕ СРЕТНЕ СО БУTAРИС: За што ќе разговараат?
Објавено во: Македонија 15 Ноември, 2017
Шефот на македонската дипломатија, Никола Димитров ќе се сретне со градоначалникот на Солун, Јанис Бутарис, кој ќе допатува во работна посета на нашата земја.
Ова е втора средба меѓу Димитров и Бутарис за помалку од два месеци на која се очекува да продолжат разговорите од минатиот месец во Солун, за прашања од заеднички интерес, насочени кон унапредувањето на соработката меѓу Република Македонија и Грција и зближување на граѓаните од двете земји.
Средбата е континуитет на воспоставениот дијалог и консултации меѓу двете земји, насочени кон зајакнување на транспарентноста и меѓусебната доверба, како и околу можниот придонес на локалните власти во рамки на Мерките за градење доверба.
Димитров е во дипломатска офанзива. Деновиве ро рамки на посетата на Брисел министерот за надворешни работи Никола Димитров и заменик претседателот на Владата задолжен за европски прашања Бујар Османи остварија средба со еврокомесарот Јоханес Хан и заменик-претседателот на ЕК Федерика Могерини.