Димитров прв настапи во Софија и побара датум за преговори
Објавено во: Свет 16 Мај, 2018
Димитров денеска учествуваше на еден од панелите во Софија, заедно со бугарскиот и хрватскиот премиер Бојко Борисов и Андреј Пленковиќ и неговата бугарска колешка Екатерина Захариева. Шефот на македонската дипломатија Никола Димитров од Софија порача дека е можно „чудо“ во преговорите за името со Грција и побара од ЕУ датум за почеток на преговорите.
„Ќе биде чудо доколку успееме да го решиме спорот за името со Грција, но чудата се можни. А денес на сите ни се потребни чуда.“ Ова е пораката на шефот на македонската дипломатија Никола Димитров во пресрет на утрешниот состанок меѓу македонскиот и грчкиот премиер Зоран Заев и Алексис Ципрас во Софија, на маргините на самитот ЕУ-Западен Балкан.
„Во последниве години гледавме во погрешни векови, но денес сме тука во 2018 година. Македонија загуби генерации чекајќи да мрдне на патот. Го гледаме возот на ЕУ како минува и сакаме да го фатиме", рече Димитров.
Според него, по позитивниот извештај од Европската комисија, Македонија со право очекува и добивање датум за почеток на преговори.
„Ќе биде трагедија доколку на Македонија не ѝ се дозволи да ги започне преговорите за пристапување кон ЕУ“, рече Димитров.
Тој порача дека Македонија заслужува признание затоа што се менува.
„Се менуваме. Го менуваме начинот на кој се води политиката, го менуваме системот, имаме поголема транспарентност.“ Промените за кои зборуваше Димитров ги раскажа преку анегдота.
„Меѓу министрите во владата има натпревар за тоа кој ќе потроши помалку. Пред две недели имавме на гости министер од една голема држава. Сите сакаа да се видат со него, но никој не сакаше да го носи на ручек", рече шефот на македонската дипломатија.
Можеби ќе ве интересира
НАЈБОГАТИОТ ЧОВЕК НА СВЕТОТ ИМ ОБЈАВИ ВОЈНА НА ГИГАНТИТЕ СО КАРТИЧКИ: Доста е!
АВТОМОБИЛСКИОТ ГИГАНТ ДЕЛИ ОТКАЗИ ПРЕКУ СМС - работници на Тесла викендов останаа без работа, компанијата е турната до ѕид
„СУДБИНАТА НА РУСИЈА ЈА ОДРЕДУВАМЕ САМО НИЕ“: Путин ја презеде функцијата претседател
ГЕРМАНИЈА ГИ МЕНУВА ПРАВИЛАТА ЗА ГРАЃАНИТЕ ОД ЗАПАДЕН БАЛКАН: Новините стартуваат од први јуни, еве за што се работи
„РАЈ ЗА СУПЕРБОГАТИТЕ“: Една европска земја е позната по своите милијардери, еве што се крие зад таа приказна
ТРАГЕДИЈА ВО ИТАЛИЈА: Пет работници се задушиле во канализација додека работеле
КАКО ПРОПАДНА БОИНГ! Градеа репутација со децении, а потоа им дојде овој авион! Кошмарот продолжува, загуби во милијарди
РУСИЈА ПРИЛИЧНО ОСТРО Ѝ СЕ ЗАКАНИ НА ЕДНА СВЕТСКА ВЕЛЕСИЛА - „Ве очекуваат катастрофални последици“
