Димовски: Се согласив да се откажеме од процедуралните говори, но гледам дека тоа не се почитува

Добивај вести на Viber

Иако се согласив ние да се откажеме од процедуралните говори на координацијата, гледам дека тоа не се почитува. СДСМ искористиле 15 процедурални, а ние 8, изјави координаторот на ВМРО-ДПМНЕ, Илија Димоски во Собранието. 

Димовски вели дека изборот на комисијата има улога во изорот на претседател на Собранието и тоа е веќе почеток на работата на Собранието.

„Затоа бараме да ги видиме договорите за двојазичност и сите договори кои се направени, за да знаеме за што ќе дебатираме“ - рече Димовски.

Претседавачот Трајко Вељаноски претходно апелираше до пратениците да се откажат од постојано пријавување за реплики, контрареплики и процедурални говори. Тој ги забрани пријавувањата на пратениците за процедурален збор. Вељаноски посочи дека до едночасовната пауза пратениците од СДСМ имале 13 процедурални забелешки, пратениците од ВМРО-ДПМНЕ осум, а од ДУИ една. 

Конститутивната собраниска седница почна на 30 декември 2016 година, но беше прекината, затоа што не беше обезбедено парламентарно мнозинство за избор на претседател на Законодавниот дом. Утврдувањето на предлогот за состав на Комисијата  за прашања на изборите и именувањата е предуслов за избор на претседател на Парламентот што е една од точките на седницата.