Добила работа во 9-от месец од бременоста
Објавено во: Финансии 11 Февруари, 2017
Италијанка на возраст од 36 години во текот на 9-от месец од бременоста добила работа на неопределено време и за нејзиниот работодавач, италијанските медиуми пишуваат дека е херој.
Тој порачува „Мајчинството не е казна“.
Мартина е изненадена и вели дека ѝ е драго што некој верува во нејзините професионални способности.
Таа за десетина дена ќе стана мајка по втор пат, а за пет месеци ќе почне да работи.
„Имам пријателки кои на интервју за работа мораа да кажат дека не се во врска, дека немаат сопруг, не планираат деца“ - вели таа.
Самуеле Шиавоне, нејзиниот работодавач во фирма за дизајн раскажува дека ова е нормално за нив, ја одбрале затоа што има искуство и му е чудно што медиумите го нарекуваат херој.
Шиавоне објаснува дека имал разбирање за оваа ситуација, затоа што неговата сопруга кога била трудна добила отказ.
И италијанскиот премиер, Матео Ренци на Фејсбук му се заблагодари, а на Мартина ѝ посака среќна работа.