Доларот се крена во однос на јенот - Берзите задоволни од Трамп
Објавено во: Економија 13 Февруари, 2017
Американскиот долар по остварената средба меѓу американскиот претседател Доналд Трамп и јапонскиот премиер Шинзо Абе ја достигна најголемата вредност годинава.
Причината за растот економистите ја гледаат во позитивните заклучоци кои произлегоа од состанокот на лидерите на САД и Јапонија како што се ветувањата за намалување на даноците и подобрување на трговските односи што е добар сигнал за инвеститорите.
Исто така многу берзански индекси во САД го кренаа својот просек што дава надеж за економскиот раст под водство на новиот американски претседател од кој се очекува да ги исполни ветувањата.