16 Јануари, 2018
0.4176
    KMB 3051.4    0.8%     MPT 29201    -2.65%     OKTA 3105    -2.26%     RMDEN16 94.1    0.48%     RZUS 103    0%     STB 930    0%     TNB 13200    0%

Дополнителни субвенции за лозарите, кога ќе ги добијат?

Објавено во: Агробизнис 18 Ноември, 2016

По изборите, лозарите ќе добијат дополнителни субвенции, изјави денеска градоначалникот на Кавадарци, Александар Панов.

Се работи за вонредна поддршка по штетите што ги претрпеа лозарите изминатата сезона.

„Поради несериозниот однос на дел од винарниците, на некои од производителите им скапа грозјето или им остана несобрано иако во мал процент, додека други мораа да го складираат и во домашни услови од него да прават ракија. Имајќи го сето тоа предвид, сметав дека во мојот ангажман пред владините институции, главно  требаше да биде обезбедувањето на дополнителни субвенции за лозарите. Мислам дека средствата се обезбедени, но веројатно поради периодот во кој се наоѓаме, исплатата не може да се одвива сега“ - рече  Панов.

Тој не даде конкретен одговор колку ќе изнесува помошта по хектар. 

Панов зборувајќи за изминатата гроздоберска сезона, објасни дека не сите винарски визби ја искористија можноста  за субвенционирање која им беше понудена  од Владата.