ДОЖД, ВЕТЕР, ПАД НА ТЕМПЕРАТУРИ: Какво ќе биде времето во наредните денови?
Објавено во: Македонија 08 Јуни, 2017
Во Македонија денеска во утринските и претпладневните часови ќе биде умерено облачно со сончеви периоди, а попладне ќе следи намалување на облачноста и претежно сончево време со појава на локална облачност.
Во крајните западни и југозападни предели, како и во источните и североисточните предели ќе има развој на нестабилност којашто ќе услови и врнежи од дожд. Во текот на денот ќе дува засилен северозападен и североисточен ветер кој ќе достигне брзина и до 35 км/ч. Минималните температури ќе се движат од 10 до 19 степени, а максималните дневни од 19 до 29 степени. УВ индексот ќе има вредност 6.
Утре денот ќе го започнеме со посвежото утро и температури од 5 до 14 степени, а во текот на денот ќе биде претежно сончево и топло време со дневни температури кои ќе бидат во пораст и ќе се движат од 21 до 31 степен. Сончево и топло ќе биде во сабота со минимални температури од 6 до 15 степени, додека пак максималните темпратури ќе се движат од 24 до 34 степени. Во недела во Македонија ќе биде претежно сончево со појава на локална облачност и максимални температури кои ќе бидат во опаѓање и ќе достигнат до 22 односно до 32 степени. Во понеделник времето ќе биде сончево и топло време со продолжување на трендот на благо опаѓање на температурите, утринските ќе се движат од 7 до 16 степени, додека пак дневните од 20 до 30 степени.