Опозицијата бара да се донесат вистински антикризни мерки

Добивај вести на Viber

Со инфлацијата од 5,3% и поскапувањето на основните животни производи и над 10% граѓаните едвај преживуваат, обвинува опозицијата. За нив најстрашно е тоа што најголемите поскапувања се токму кај храната , струјата и горивата, со што во најголем дел се урива стандардот на населението и зголемува мизеријата. „За граѓаните суштински се важни движењата на цените на храната и останатите основни производи за преживување. Ги интересира тоа што го купуваат за да преживеат, за да се загреат преку зимата, за да се превезат до работа, за да си ги подмират сметките за струја, вода, парно, огрев итн. Тоа се токму значително поскапените производи, кои на граѓаните им го уриваат стандардот и вршат општ притисок за зголемување на мизеријата“ вели  Драган Тевдовски, член на Извршниот Одбор на СДСМ и додава дека со последните анализи дури  70 отсто од просечната плата, граѓаните ќе ја трошат за поскапените основни производи. Од опозицијата уште еднаш ја предупредија Владата да престане со непродуктивните трошења за споменици,  фонтани, за плоштади и скапите владини кампањи и реклами и испратија апел за надлежните да ги прифатат предлогпредложените мерки со кои ќе се ублажи ценовниот шок и инфлацијата.