Државата им дала предвреме државна помош на Костал и на Гентерм: Лани ТИРЗ исплатила вкупно 10,6 милиони евра
Објавено во: Економија 09 Јануари, 2021
Дирекцијата за технолошко развојни зони – ТИРЗ во 2020 година исплатила над 10, 6 на 29 компании за реализација на нивните инвестиции во зоните. Од институцијата велат дека ова е 94,4 проценти реализација на предвидената државна помош за изминатата година исплатена кон странските инвеститори во земјава.
„Дополнително е одобрена и предвремена исплата на обврски кон две компании, Костал и Гентерм кои предвреме ги постигнале планираните инвестиции и планирани таргети за вработување. Вкупниот износ на предвреме исплатени обврски на државата кон овие две компании е 51,2 милиони денари, средства обезбедени со Одлуката за прераспределба на средства помеѓу буџетски корисници донесена од страна на Владата во декември 2020 година.Оваа новина е дел од целосно нов внатрешен систем на грижа за корисници. Целта е да се поттикнат и останатите инвеститори забрзано да ги реализираат своите инвестициите и планови за вработувања, а ТИРЗ и владата се подготвени да ги следат во таа динамика, велат од ТИРЗ
Додаваат дека за 2021 година се подготвува инвестициски циклус од 15 милиони евра во основна инфраструктура во повеќе зони.
Дирекцијата воведува и нов пристап во привлекувањето на инвестиции според кој и домашните компании ќе ги уживаат истите услуги, поддршка и привилегии како и странските.