Две земји во регионот воведуваат полициски час

Добивај вести на Viber

За да го спречат ширењето на коронавирусот, Aлбанија и БиХ воведуваат полициски час. 

Албанија од утре воведува полициски час. Забраната за движење ќе важи од 22:00 до 06:00 часот во наредните три недели. Право на движење ќе имаат само луѓето кои се на работа и службите за итни потреби.

Во текот на полицискиот час угостителските објекти кои ќе имаат можност само за достава на храна, додека за јавната администрација се воведува работа онлајн или со ротација на вработените, во зависност од спецификите на секторот.

Во изминатите 24 часа од направените 2 723 тестови во Албанија, позитивни се 563 лица. Во исто време битката со вирусот ја загубија осум пациенти, со кои бројката на починати достигна 579 лица.

Кризниот штаб на БиХ најави нови мерки, а една од нив е ограничено движење на населението, односно полициски час што ќе важи од 23 часот до 5 часот наутро. Одлуката стапува на сила утре, наведува „Кликс“.

Новата одлука е да се ограничат собирите на граѓани на најмногу 30 лица, и внатре и надвор.

Забраната за движење се однесува на целата територија на Федерацијата БиХ. Од одлуката ќе бидат изземени оние кои работат во смени во текот на ноќта (со валидна потврда од работодавачот), како и државните службеници што работат на спроведувањето на мерките.

Претходно, Грција воведе карантин.