Џафери на страна на пратениците за патните трошоци?
Објавено во: Македонија 19 Ноември, 2017
За атните трошоци на пратеници како тема кои ја вжештија јавноста деновиве добија коментар и од спикерот Талат Џафери.
Тој во интервјуто за „360 Степени“ на тема патни трошоци вели дека институциите,а не Собранието се тие кои треба да го решат ова прашање и по истото да преземат нешто.
„Ако има елементи на злоупотреба, не е прашање кое може да се разгледа од Парламентот, тоа треба да го разгледат другите институции“, вели Џафери.
Тој одговарајќи на прашањето дека може да иницира промени кои ќе го намалат просторот за иницијатива вели дека една работа е иницијативата за измени, друго е истражувањето на можната злоупотреба. Парламентот како секоја друга институција, подлегнал на контрола на Државната ревизија.
„Јас не сум тој што треба да внимавам дали одат со едно или пет возила. Има други институции кои се занимаваат со тоа. Ако има таков случај, институцијата која се занимава со тоа, треба да го извести Собранието. За тоа известување, ако Собранието извршило исплата, за известувањата за можната злоупотреба, тогаш Парламентот има одговорност за тоа. Начините дали има можност за нова алтернатива за разгледување, да, и во Парламентот има посебен оддел, парламентарен институт, каде според референците се лица со академска способност во смисла на предакадемски подготовки и ќе имаат за задача да направат компаративна анализа на сите можности како решенија“, посочува.