Џафери со повик до Иванов: Иако нема на кој да му објави војна, нека прогласи вонредна состојба
Објавено во: Македонија 27 Април, 2017
Пратеникот од ДУИ Талат Џафери во синоќешната дебата на ТВ21 упати повик до шефот на државата да прогласи вонредна ситуација.
Џафери рече дека јавниот повик е доколку таа одлука на претседателот се базира на членовите 122 и 123 од Уставот.
„Иванов знае дека тоа никому не му оди во прилог и знае дека нема на кој да му објави војна“, рече потенцијалниот собраниски претседател.
Талат Џафери од редовите на ДУИ се токми да седне во претседателската фотелја во Собранието. Со оваа одлука пак не се согласува движењето БЕСА откаде што велат дека имаат свој предлог за собраниски претседател.
Собранието денеска ќе ја почне 20 конститутивна седница. Пратениците дваесет дена реплицираат и контрареплицират околу платформата но не и за точките од дневниот ред.