Џафери за Денот на албанското знаме: Aлбанците заедно со сите граѓани се камен на консолидирање
Објавено во: Македонија 28 Ноември, 2022
Албанците во земјава го одбелжуваат 28 Ноември - Денот на албанското знаме.
По тој повод собранискиот претседател Талат Џафери упати честитка.
„Несомнено дека овој значаен празник е длабоко втиснат во колективната национална историска меморија и во срцата на сите припадници на Албанскиот народ, каде и да се наоѓаат раштркани по светот и денес, кога ја одбележуваме 110 – годишнината од денот кога мудриот дипломат Исмаил Ќемали, заедно со делегати од различни албански градови го истакна националното знаме во Валона, Албанците, со чувство на национална гордост го чествуваат како симбол на албанската национална културна ренесанса. Нашата заедничка државна и регионална определба за европска интеграција е единствениот патоказ кој што не мотивира да работиме посветено и неуморно за да станеме што побрзо дел од големото европско семејство. Таму, заедно, со исти заеднички вредности и стандарди, ќе придонесуваме за подобар свет за идните генерации. Живееме во времиња на предизвици во секој поглед и само сплотеноста ја сочинува вистинската сила која може да ја надмине секоја препрека. А Албанците, заедно со сите граѓани на Република Македонија се камен на консолидирање на таа сила. Нека е честит 28 Ноември, Денот на знамето, стои во честитката на Џафери упатена до сите кои го прославуваат овој празник“, вели Џафери.
Одбележување на празникот имаше во Скопје, Тетово и други градови.