ЕКОНОМСКА МЕРКА ЗА 100.000 МЛАДИ: 30.000 денари вредни ваучери за кофинансирање на обуки за информатички вештини
Објавено во: Економија, Македонија 17 Мај, 2020
Владата во третиот сет економски мерки дава силна поддршка на
младите да се продолжи образовниот процес. Премиерот Спасовски рече дека тоа е
придонес за студентите и учениците за нивна едукативна надградба. Во оваа
насока, ќе се доделуваат ваучери од најмногу 6,000 денари за покривање на универзитетската
партиципација или пак за сместување во студентските, ученичките домови и останатите
сместувачки капацитети за студентите и средношколците чии семејства имаат ниски
приходи.
-Оваа мерка, која се однесува на младите предвидува и платежна
картичка за во вредност од 3,000 денари за домашни производи и услуги.
Воведуваме и ваучери до 30,000 денари за
кофинансирање на обуки, тренинзи и курсеви за ИТ и дигитални вештини за млади.
Со покривањето на трошоците за тренинзи и обуки,
ги подржуваме младите да стекнат знаења и вештини од информатичката технологија
кои ќе им овозможат брзо вработување во новата развојна економија.
Оваа мерка ќе опфати 100 илјади млади сограѓани, во вредност
од 12 милиони евра, потенцираше Спасовски.