Експерти смируваат: Зголемената радијација во Европа не е опасна за луѓето

Добивај вести на Viber

Веќе неколку недели во воздухот над Европа се мерат големи количества на радиоактивен јод 131. 

Германски експерти се сомневаат дека крај Северниот пол имало атомски инцидент, од кој е распрснато зрачење. Причината за зголемената радијација е сеуште нејасна. 

Јод 131 е забележан над Германија, Финска, Полска, Чешка, Франција, Шпанија. Според Федералната служба за заштита од радијација вредностите на опасност  јод 131 се зголемени, но сеуште премногу ниски за да претставуваат опасност за здравјето на луѓето. 

Рокот на полураспаѓање на јод 131 трае околу осум дена и затоа се претпоставува дека некаде во Северното Море имало инцидент на почетокот на јануари. Највисоките вредности на радијација се измерени во Норвешка и Франција, но и тие не се опасни за луѓето.

Сомневањата за нуклеарен инцидент се засилија, откако на 17 февруари САД испратиле свој авион, опремен да ја мери радиационата позадина. Авионот од типот WC-135C направил неколку обиколки над Британија. Според британските медиуми Русија тестирала нуклеарна експлозија на остров Новаја земља во Северното Море. Геолози пак го отфрлија ова сомневање, бидејќи не е откриена сеизмичка активност.

Според експерти, најверојатно руска атомска подморница која потонала испуштила големо количество радијација и таа е откриена над Европа. На дното на Баренцово Море лежат десетици делови од потоната нуклеарна подморница на Русија. Според германски специјалисти не треба да се занемарува и тезата дека производителот на радиоактивни лекови претрпе хаварија. Сеуште ниту една од овие теории не е потврдена.