Епидемиологот Тиодоровиќ со оптимистична прогноза за Ковид-19: Ќе трае до...
Објавено во: Балкан 16 Ноември, 2020
Еден од најистакнатите српски епидемиолози, Бранислав Тиодоровиќ, денеска изјави дека е претерано се каже дека зимата ќе биде најтемниот период во однос на епиедмијата на Ковид-19, иако смета дека ќе биде тешко.
-Се разбира, ризиците од инфекција ќе бидат поголеми, но нема да биде толку страшно и мрачно. Јас сум оптимист, мислам дека ќе ја поминеме оваа зима и ќе ја дочекаме пролетта и со вакцината можеме да го подобриме имунитетот и да ја победиме оваа болест. Очекувам дека ќе трае до 20 декември, можеби еден ден потоа, но ќе има смирување со помош на мерките. Со помош на мерките ќе можеме да се бориме и да имаме контролирана ситуација. Кривата продолжува да се зголемува, не е рамна, бројот на новозаразени е над 3.500, од кои најмалку 10 проценти се во болниците, а болниците во Белград се полни. И на југот од земјата имаме над 600 позитивни, исто така 600 луѓе во болници во рок од 24 часа. Очекуваме целото наше население да претрпи пандемија. Дали навистина мислиме дека сме најпаметните луѓе во светот? Зошто мислите дека се затворените клубови во САД, Шпанија, Холандија ...? Мерките строго се следат насекаде, рече српскиот едпидемиолог.
Кога станува збор за усогласување на економијата и здравството, Тиодоровиќ вели дека нема дилема.
-Од почетокот, тврдевме дека треба да се воспостави рамнотежа помеѓу зачувувањето на здравјето и економијата. Јас не сум за затворање. Државата ќе стори сé за да им помогне на сопствениците на овие објекти, да го намали економското влијание до одреден степен. Факт е, сепак, дека сè уште имаме рамнотежа. Прашањето е дали таа рамнотежа ќе ја одржиме во уште посилен удар, вели д-р. Тиодоровиќ