Ердоган го руши диктаторот Асад - Турската војска влезе во Сирија
Објавено во: Свет 29 Ноември, 2016
Турскиот претседател Реџеп Таип Ердоган даде ветување дека Башр Ал Асад, диктаторот на Сирија ќе биде симнат од власт, а за тоа ќе се погрижи турската армија која ќе стави крај на страдањата на цивилното население кое постојано е бомбардирано во Алепо и другите бунтовнички градови.
„Ме прашувате зошто турската армија навлезе во Сирија? Ние воопшто немаме никакви територијални претензии, не гледаме ниту една педа сириска земја, единствена причина зошто ја активирав армијата е да му ставиме крај на режимот на Асад и да ја вратиме правдата“, посочи Ердоган во Истанбул.
Граѓанската војна во Сирија трае повеќе од 5 години со досега над 100 илјади жртви и уште 5 милиони бегалци, а граѓаните се соочени со силите на Асад од една и на џихадистите на друга страна.
Влегувањето на турската армија во Сирија е своевиден пресврт бидејќи досега Ердоган иако беше критичен кон власта на Асад повеќе беше фокусиран на борбата со тероризмот, но менувањето на политиката е знак за турските амбиции за стопирање на големата криза.