ЕРДОГАН СО НОВ НАПАД: Холандија е јасна, видовме што направи во Сребреница
Објавено во: Балкан 14 Март, 2017
Турскиот претседател Реџеп Ердоган упати нов напад кон Холандија покрај последните дипломатски спорови меѓу властите во двете земји.
„Познато е однесувањето на Холандија, а особено во морален и цивилизациски однос ја знаеме нејзината улога во извршувањето на геноцидот во Сребреница“, рече Ердоган.
Потсетуваме дека силите на босанските Срби, предводени од генерал Ратко Младиќ, во почетокот на месец јули 1995 година, извршија масовно колење во заштитената енклава Сребреница. За неколку часови беа убиени над 8.000 лица.
Енклавата беше заштитена од холандскиот контингент на во Босна и Херцеговина.
Турција ги замрзна односите на високо ниво со Холандија, откако холандската влада го спречи спроведувањето на агитационите собири од страна на турски политичари во земјата.
Покрај тоа Анкара нема да му дозволи на холандскиот амбасадор да се врати во Турција.
„Додека Холандија не даде компензација за стореното, односите на високо ниво и планираните посети на министерско и повисоко ниво ќе бидат откажани“, изјави турскиот вицепремиер Нума Куртулмуш по спроведена средба во Анкара. Турските власти разговараат за варијанти за преиспитување на односите со ЕУ, изјави претходно Реџеп Ердоган.